Një ngjarje e rëndë ka ndodhur në Britani dhe shkak është bullizimi. Një nxënës 14 vjeç, i cili ngacmohej sistematikisht nga shokët e klasës në një shkollë me konvikt vari veten vetëm disa ditë, pasi bashkëmoshatarët i lyen jastëkun me jashtëqitje.
Adoleshenti me origjinë franceze, Pierre DaCosta Noble u gjet i varur në oborrin e shkollës së njohur në Widermere në Angli.
Shokët e afërm të viktimës, thanë për mediat se ai ishte mërzitur shumë nga veprimi i fundit dhe ishte shprehur se nuk po mundej dot në atë shkollë. Raportohet se ai kishte dalë nga dhoma e konviktit kur ishte siguruar se shokët ishin duke fjetur, e më pas nuk u kthye më.
