Autoritetet gjermane kanë zyrtarizuar zbulimin e një vatre të madhe me të infektuar prej koronavirusit. Bëhet fjalë për një impiant përpunimi të mishit, praktikisht një thertore gjigante që ndodhet në rajonin e Vesfalisë.
Në ambientet e industrisë, ku zakonisht punojnë mbi 6 mijë punonjës, u gjetën pas testimeve të paktën 400 raste pozitive me COVID-19.
Ndërkohë ka korrur sukses iniciativa e aplikacionit Corona Warn, që mundëson identifikimin e rasteve, që sipas shoqërisë që e ka projektuar është shkarkuar rreth 6.5 milionë herë në Gjermani.
Gjermania numëron rreth 190 mijë të prekur nga pandemia, me 8840 viktima.
