Ballina Aktualitet VIRUSI KORONA, PENDAROVSKI: TË HËNËN MBLIDHET KËSHILLI I SIGURIMIT

VIRUSI KORONA, PENDAROVSKI: TË HËNËN MBLIDHET KËSHILLI I SIGURIMIT

Presidenti i Republikës, Stevo Pendarovski në konferencën e sotme për shtyp në Vilën Vodno njoftoi se tashmë ka caktuar takim të Këshillit të Sigurimit për ditën e hënë në ora 16:00, ku përveç anëtarëve standardë do të jetë i pranishëm edhe Ministri i Shëndetësisë dhe shefi i Shtabit të Përgjithshëm,

Siç tha ai, në mbledhje do të diskutohet gjendja në vend me virusin korona si dhe të gjitha masat që duhet të përgatiten në rast të përshkallëzimit të gjendjes.

Pendarovski gjithashtu njoftoi se shërbimet e Presidencës kanë detektuar grupe të organizuara për shpërndarjen e lajmeve të rreme.

“Shërbimet ditëve të fundit kanë zbuluar grupe të organizuara për përhapjen e lajmeve të rreme në lidhje me virusin korona dhe situatën në vend në mënyrë që të përhapin panik dhe mosbesim në institucione dhe në sistem”, tha mes tjerash presidenti Pendarovski.

@tn.lajmelokale
@tetovanews