Njëzet e tre anëtarë të Parlamentit të Iranit nga 290 gjithsej, kanë rezultuar me koronavirus.
Njoftimin e bëri nënkryetari i Parlamentit të Iranit, Abdul Misri, gjatë një konference për mediat të martën në Teheran.
Ai përmendi edhe një letër të hapur për Liderin Suprem të Iranit, Ali Khamenei nga kryetari i Parlamentit Ali Larijani.
Në letër, deputetët u thirrën që të ndërpresin kontaktin me publikun për të shmangur përhapjen e mëtejshme të sëmundjes.
Larijani në letrën e tij drejtuar Khameneit, mbrojti vazhdimin e pezullimit të seancave të hapura në Parlament, e cila u miratua javën e kaluar në mes të shpërthimit të epidemisë në Iran.
Ministri i Shëndetësisë, Alireza Raisi tha se 77 persona kanë humbur jetën nga koronavirusi në Iran, ndërsa 2.336 raste janë konfirmuar në vend.
Vendi raportoi rastet e para më 19 shkurt, ndërsa Radio Shtetërore njoftoi të hënën e 2 marsit se një këshilltar i Udhëheqësit Suprem të Iranit, Ayatollah Ali Khamenei humbi jetën si pasojë e koronavirusit.
CNN
