Ballina Aktualitet Rajoni Serbia do furnizohet me gaz natyror rus përmes tubacionit “Turkish Stream” brenda...

Serbia do furnizohet me gaz natyror rus përmes tubacionit “Turkish Stream” brenda vitit

Puna për të zgjatur tubacionin e gazsjellësit turk ‘Turkish Stream’ në Serbi pritet të përfundojë në javët e ardhshme, tha presidenti rus Putin gjatë një takimi me homologun e tij serb, Vuçiç.

“Serbia ka qenë e lidhur me rrjetin e tubacionit të gazit që është një shtrirje e tubacionit të gazit ‘Turkish Stream’” – tha Putin, duke shtuar se është arritur një marrëveshje për të rritur kapacitetin e ruajtjes së gazit në objektet nëntokësore të Serbisë nga 750 milionë metra kub në 2 miliardë metra kub.

“Ne nuk kemi dyshim se zbatimi i këtyre projekteve në shkallë të gjerë të energjisë do të ndihmojë në forcimin e konsiderueshëm të sigurisë së energjisë jo vetëm në Serbi, por edhe për të gjithë rajonin e Ballkanit dhe Evropën në tërësi,” shtoi Putin.

Projekti ‘Turkish Stream’, i dakordësuar nga Moska dhe Ankaraja tre vjet më parë, përbëhet nga dy linja me kapacitet vjetor 31.5 miliardë metra kub.

Dega e parë do të dërgojë gaz natyror rus direkt në Turqi, ndërsa e dyta shtrihet në kufirin turko-evropian për të shkuar te klientët evropianë. Furnizimet e para të gazit rus përmes tubacionit janë planifikuar për në fund të këtij viti.

Projekti ‘Turkish Stream’ u krijua si një alternative për gazsjellësin ‘South Stream’ që kalon përmes Bullgarisë.

@tn.lajmelokale
@tetovanews