Ballina Aktualitet Banorët e Thumanës në Shëngjin: Nuk kemi veshje, ushqim e as ilaçe...

Banorët e Thumanës në Shëngjin: Nuk kemi veshje, ushqim e as ilaçe për fëmijët (VIDEO)

Ndihmat ndahen në mënyrë selektive. Shqetësimi vjen nga banorë të Thumanës të cilët pas tërmetit janë akomoduar në hotelet e Shëngjinit.  Qytetarët shprehen se u mungojnë veshjet. Ndërsa të sëmurët kronike ankohen se nuk  u shpërndahen ilacet.

Ilaçe për të sëmurët kronikë, veshje, pelena e ushqim për më të vegjlit janë disa prej nevojave  që shfaqin shumë prej banorëve të Thumanës të cilët pas tërmetit të 26 nëntorit po qëndrojnë në hotelet në Shëngjin.

Banorët ankohen për selektivitet në shpërndarjen e ndihmave.

Në qendrën shëndetësore të vendosur pranë Resortit ku janë strehur shume prej personave të mbetur pa strehë  nga tërmeti mjekët thonë se kryhen të gjitha vizitat ambulatore ndërsa ilaçet për urgjencat nuk mungojnë.

Bluzat e bardha hezitojnë të flasin sa i përket shpërndarjes së barnave tek të sëmurët kronikë. Rreth pretendimeve të qytetarëve mungon reagimi dhe nga njësia e kujdesit shëndetësor në Lezhë./abcnews.al

VIDEO bonus: Tërmeti në Shqipëri VIDEO nga Tetova: MOTI: PUBLICITET: PUBLICITET:
Loading...