“Ishte takim mes një kryeministri në ikje dhe njërit në ardhje”. Ishte kjo deklaratë e Berat Buzhalës për takimin Rama-Kurti, që ndezi debatin në emisionin “Open” në Top Channel.
Analisti Baton Haxhiu, i cili është në lidhje direkte me Skype, replikoi duke kundërshtuar kolegun. Haxhiu e konsideroi Buzhalën “si Mesia i Iranit që kërkon të duket si Mesia i vërtetë”.
“Rama si kryeministër do ikë një ditë. Ndërsa Albin Kurti nuk e ka asnjë ditë në Qeveri. Pasi ta shikojmë në Qeveri dhe në mbajtjen e mbajtjen e premtimeve. Për këtë nuk mund të krahasohen Rama me Kurtin. Në qoftë se të gjitha ato që ka përmend Kurti arrin t’i plotësojë, unë do jem fansi më i madh i tij”, tha Haxhiu.
