Me barazim pa gola ka përfunduar kryendeshja e javës së 9-të në LPFM ndërmjet Shkëndijës së Tetovës dhe Vardarit. Ndonëse kampionët në fuqi kishin raste të shumta për të shënuar, megjithatë portieri i Vardarit Gaçevski ishte në nivel të detyrës. Gola nuk kishte edhe në takimin Makedonija Gjorçe Petrovi – Shkupi, me të dyja skuadrat të cilat nuk dhuruan futboll kualitativ në fushë. Në ndeshjet tjera Boreci mposhti 3:2 Struga Trim Lumin, Akademia Pandevi triumfoi ndaj Sileksit me shifrat 2:0, ndërsa Rabotniçki dje fitoi 1:0 Renovën. /SHENJA/
