Ballina Bota Analiza ANALIZA: Gjermania në prag të recesionit? Ç’po ndodh me gjeneratorin ekonomik të...

ANALIZA: Gjermania në prag të recesionit? Ç’po ndodh me gjeneratorin ekonomik të Evropës dhe “atdheun” e synuar të shqiptarëve

Ekonomia gjermane është në prag të një recesioni. Prodhimi i brendshëm bruto ka gjasë të bie përsëri në tremujorin e tretë. Kështu, Gjermania zyrtarisht do të binte në një recesion teknik. Megjithatë, ngadalësimi që filloi në 2018 deri më tani ka qenë kryesisht një normalizim i periudhës së mëparshme të “bumit”.

Aktualisht, përdorimi i kapaciteteve të firmave është përafërsisht në përputhje me mesataren e tyre afatgjatë. Një recesion i theksuar do të ndodhte vetëm nëse shfrytëzimi i kapacitetit do të binte dukshëm më tej.

Rreziqet për një recesion të tillë janë rritur, veçanërisht pasi dobësia në sektorin e prodhimit është duke ndikuar gjithnjë e më shumë në sektorin e shërbimeve. Për momentin, megjithatë, duket se ka më shumë të ngjarë që ekonomia gjermane të rritet në vitin e ardhshëm.

Në përgjithësi, vendi pret nivele më të ulëta të rritjes për prodhimin e brendshëm bruto prej 0.4 përqind për vitin aktual (verë: 0.6 përqind) dhe 1 përqind për vitin 2020 (verë: 1.6 përqind), në krahasim me të njëjtën periudhë të vitit të kaluar.

Deri më tani, rënia është karakterizuar nga fakti se vrulli ekonomik në Gjermani është ftohur më shumë sesa në shumë vende të tjera. Fakti që ekonomia gjermane më parë ishte në një bum të theksuar, dhe kështu lartësia e rënies ishte më e lartë se diku tjetër, kjo, me siguri ka kontribuar në “panik ekonomik”.

Investimi i biznesit, nga ana tjetër, shihet se po shënon rënie të përkohshme për shkak të perspektivës pesimiste të shitjeve. Tepricat e qeverisë do të bien dukshëm në periudhën e parashikimit, pasi shpenzimet do të vazhdojnë të zgjerohen fuqishëm, ndërsa të ardhurat do të rëndohen nga ngadalësimi ekonomik. Në vitin 2021, huazimi neto i buxheteve publike pritet të jetë negativisht për herë të parë që nga viti 2011.

Për më tepër, niveli i lartë i pasigurisë politike në të gjithë botën, që vjen kryesisht nga konfliktet e vazhdueshme tregtare, ka gjasa të rëndoj veçanërisht mbi prodhimin në Gjermani. Në këtë sfond, eksportet ka mundësi të rriten, por gradualisht. Shpenzimet e konsumit privat do të vazhdojnë të zgjerohen me ritme të forta. Megjithëse ekonomia më e dobët ka një efekt të dukshëm në tregun e punës — numri i të papunëve me siguri do të vazhdojë të rritet për momentin dhe punësimi do të bjerë në vitin e ardhshëm për herë të parë që nga recesioni i madh. (tesheshi)

Bonus video:
Loading...