Ballina Lajme Shqipëri Temperaturat e larta të shtatorit, vijon sezoni turistik në plazhin e Durrësit...

Temperaturat e larta të shtatorit, vijon sezoni turistik në plazhin e Durrësit (VIDEO)

Shumë pushues janë prezente në plazhet e Durrësit. Nga Kosova dhe Maqedonia janë rikthyer përsëri në këtë bregdet për shkak të temperaturave të larta.

Në plazhin e Durrësit ende pushohet. Më të pakët në numër, por me të njëjta shërbime, turistë vendas dhe të huaj po shijojnë bregun e Adriatikut.

Vizitorë kryesisht të ardhur nga Kosova dhe Maqedonia i janë rikthyer sërish Durrësit. Vjeshta me temperatura të larta shihet si një zgjedhje e mirë për të kaluar disa dite pranë detit.

Qetësia që të ofrohet në këtë stinë, larg fluksi të sezonit si dhe kushtet më të mira bën që plazhi të mos braktiset. Për shumë vizitorë muaj shtator shihet si ideali për të kaluar pushimet. Banjot e diellit, noti, shëtitjet dhe të tjera aktivitete shijojnë edhe më shumë larg dyndjes së gushtit.

Ndaj përsa kohë temperaturat mbeten të favorshme, pushuesit nuk do t’i mungojnë bregdetit të Durrësit.

Gazetare e ABC News, Durrës: Enkeleda Arapi

Bonus video:
Loading...