Më datë 1 korrik, në ora 23 e 55 minuta, në bulevardin “Vidoe
Smilevski – Bato’ në Tetovë, personi R.R, (23) nga Tetova, duke
drejtuar veturën “Volkswagen Polo”, me targa të Tetovës, ka
humbur kontrollin dhe ka devijuar nga rruga.
Në këtë aksident lëndime të rënda trupore ka pësuar bashkëudhëtari 15-vjeçar nga fshati Kamjan, i cili pas dhënies së
ndihmës mjekësore në Spitalin Klinik të Tetovës, është transferuar në Kompleksin e klinikave “Nënë Tereza” në Shkup.
Ndërsa, lëndime trupore kanë pësuar edhe dy bashkëudhëtarët tjerë, A.B. (24) nga fshati Siniçan dhe M.I. (24) nga fshati Veshallë, të cilët me autoambulancë janë dërguar në Spitalin Klinik të Tetovës për dhënjen e ndihmës mjeksore.
Inspektim në vendin e ngjarjes ka kryer ekipi nga SPB Tetovë.
