Dje në ora 15 e 20 minuta, në rrugën “Iliria” në Tetovë, pjesëtarë të policisë nga Sektori për punë të brendshme Tetovë, kanë kryer bastisje në hapësirat në të cilat kanë qëndruar 40-vjeçari P.C. nga qyteti i Zagrebit, Republika e Kroacisë, kurse si shoqëruese të tij kanë qenë një 25-vjeçare nga Tetova dhe një 28-vjeçare nga Gostivari.
Gjatë bastisjes, në një tavolinë është gjetur një qese najloni me koka*inë, një shishe plastike prej 0,5 litra materie e panjohur lëngu, si dhe mjete tjera me mbetje të kok*ainës. Personat janë privuar nga liria dhe mbajtur në SPB Tetovë, ku pas dokumentimit dhe zbardhjes së plotë të rastit, ndaj tyre do të pasojnë edhe parashtresa adekuate.
