Një nënë e re bashkë me vajzën e saj dy vjeçe janë zhdukur pa gjurmë që prej datës 2 prill.
Sebjana Myzeqari, 24 vjeç, dhe fëmija i saj Enissa 2 vjeçe nuk janë parë apo dëgjuar në Doncaster që prej 2 prillit.
Gruaja shqiptare nuk ka përdorur kartat e saj të telefonit ose kartat bankare që prej 1 muaji e gjysëm dhe as ka kaluar kufirin për të lënë Mbretërinë e Bashkuar.
Policia e Yorkshire tha se oficerët janë “tepër të shqetësuar” për sigurinë e nënës së re dhe vajzës së mitur, raporton BBC.
Oficeri Neil Thomas tha se znj. Myzeqari u zhvendos nga Shqipëria tre vjet më pare, duke zgjedhur me dëshirë të vendosej në Doncaster.
Enissa është e regjistruar në çerdhe, por nëna e saj kishte një jetë të izoluar me shumë pak miq në qytet.
Zyrtarët në Shqipëri i thanë policisë në Yorkshire se nuk kishin gjetur gjurmë të nënës dhe vajzës, tha z. Thomas.
Sebjana Myzeqari është (1.65m) e gjatë me flokë ngjyrë kafe. Enisa është me sytë e mëdhenj ngjyrë kafe dhe flokë kaçurrela. /MAPO.al
