Ballina Aktualitet Lajme 70-vjeçari lë Holandën për Shqipërinë, mëson shqip: Ndryshova mendim për vendin tuaj...

70-vjeçari lë Holandën për Shqipërinë, mëson shqip: Ndryshova mendim për vendin tuaj kur erdha të jetoj këtu, ndihem i lirë dhe i sigurt

“Gjuha shqipe është shumë e vështirë dhe shumë e koklavitur”. Për të mbajtur trurin në punë, siç thotë 70 vjeçari, sfida e radhës për të ishte mësimi i shqipes.

Prej një viti e gjysmë, zoti Ernst është shpërngulur nga Holanda për të jetuar në vendin tonë, pasi bashkëshortja e tij erdhi këtu me punën. Kur u tregonte miqve holandezë se do të banonte në Shqipëri, fytyrat e tyre shtrëmboheshin, pasi e konsiderojnë territorin shqiptar të rrezikshëm.

“Nuk është se Holanda nuk e pëlqen Shqipërinë, por nuk e njeh atë. Imazhi që kanë krijuar për vendin tuaj nuk është i mirë dhe të jem i sinqertë njësoj mendoja dhe unë para se të vija të jetoja këtu. Por menjëherë ndryshova mendim. Pavarësisht se politika është problem i madh këtu, ju keni një vend fantastik, natyrë shumë të bukur dhe njerëz shumë të dashur e të shoqërueshëm”, tha ia.

Zoti Ernst, kur kthehet në vendlindjen e tij, tregon përshtypjet më pozitive për Shqipërinë pasi sheh shpresë tek të rinjtë. Propozimin e Holandës për rikthimin e vizave për shqiptarët, ai e shikon të gabuar dhe i fton ta vizitojnë vendin tonë.

“Ndihem shumë i lirë teksa eci këtu dhe madje kam dëgjuar një grua gjermane kur tha se ndihet më e sigurt në Tiranë se në Amsterdam. Ndaj, duhet të vini ta shikoni nga afër Shqipërinë dhe pastaj ta gjykoni”, vijon zoti Ernst Roessingh.

Traditat që ruhen, toleranca fetare por sidomos ushqimi ka bërë për vete holandezin, që nuk flet për krimin shqiptar në kombin e tij.

“Përpiqem të gatuaj ndonjëherë vetë darkën në shtëpi, por ju keni restorante shumë të mira me ushqim tipik shqiptar, që nuk i konkurroj dot”, përfundon holandezi.

@tn.lajmelokale
@tetovanews