Ballina Jetë & Stil “Vera e mbretërve” del në shitje, 40 mijë dollarë një shishe

“Vera e mbretërve” del në shitje, 40 mijë dollarë një shishe

Vera e mbretërve ka dalë në shitje për 40 mijë dollarë shishja. Një prodhues hungarez vere në rajonin Tokaj, të famshëm për verën e tij të jashtëzakonshme, ka vendosur këtë çmim, me shpresën se do të arrijë të ripërtërijë një trashëgimi mbretërore të pijes së preferuar nga monarkët.

Rajoni vullkanik në verilindje të Hungarisë prodhon verë me metodën e tharjes së rrushit në hardhi, për ta ëmbëlsuar sa më shumë. Historia e kësaj metode është mjaft interesante. Dikur, kur afroi koha e të vjelave, fermerëve hungarezë iu desh të linin vreshtat e tyre e të shkonin të luftonin me turqit.

Por, kur u kthyen pas dy muajsh, ata e gjetën rrushin të mbuluar nga “botrytis”, një kërpudhë gri e ngjashme me mykun. Që të mos shkonte dëm, ata vendosën gjithsesi ta kthenin në verë, duke zbuluar kështu se çfarë mrekullie kishin prodhuar.

Që prej atëherë, tharjen e rrushit në këtë mënyrë e stimulojnë vet. Thuhet se Luigji i XIV e përshkroi “Tokaji”-n (apo Tokay) si “verën e mbretërve dhe mbretin e verërave”.

Shishja 40 mijë dollarëshe prej 1.5 litrash e nxjerrë në shitje rezulton më e shtrenjta e të gjitha verërave, ndërsa një shishe më e vogël 0.4 litërshe e “Essencia”, më e rralla “Tokaji”-t hungarez, sipas prodhuesve kushton rreth 424 dollarë për blerësit “online”.

VIDEO bonus:
Loading...