Ballina Showbiz Si arriti Kylie të ndërtojë ‘perandorinë’ e saj qindra milionë dollarëshe

Si arriti Kylie të ndërtojë ‘perandorinë’ e saj qindra milionë dollarëshe

Kylie Jenner sapo është kurorëzuar nga Forbes si miliarderja më e vogël në botë. Ajo i zuri vendin themeluesit të Facebook, Mark Zuckerberg, i cili u nderua me postin kur ishte vetëm 23 vjeç.

Miliarderja fiton të ardhura nga shfaqja e saj në episodet me familjen në emisionin Keeping Up With The Kardashian, nga projektet e ndryshme të modelimit dhe postimeve mjaft të paguara në Instagram.

Por pasuria më e madhe e Jenner rrjedh nga biznesi i saj Kylie Cosmetics.

Manjatja e kozmetikës po quhet ndryshe ‘makineria që prodhon para’. Motra e saj më e madh, Kim e cila konsiderohet mbretëresha e fisit Kardashian, ka një pasuri me vlerë rreth 350 milionë dollarë.

Por si mund të bëjë dikush 1 miliardë dollarë me një kompani që e ka ngritur vetëm tre vite më parë?

Kylie themeloi kompaninë e make-up më 30 nëntor 2015 dhe është pronare e vetme.

Kjo do të thotë se kompania nuk ka aksionarë apo investitorë që presin të marrin përfitimet e tyre nga të ardhurat e shitjes së produkteve të kozmetikës.

Pikërisht këtu qëndron kleçka e pasurisë së saj.

Shumica e njerëzve me një ide biznesi i duhet të kërkojnë investitorë, ose shesin aksionet e kompanisë për të pasur më shumë financime.

Por Jenner fatmirësisht deri tani ka arritur që t’ia dalë e vetme.Shitjet e produkteve të saj vijnë nga reklamimi që u bë në mediat sociale.

Manjatja e kozmetikës ka mbi 129 milionë ndjekës vetëm në Instagram.

Ky faktor zvogëlon një kosto të madhe të reklamimit të biznesit që kushton mijëra dollarë. Kylie punon me një staf prej 7 personash me orar të plotë, me produkte që kryesisht i merr nga Seed Beauty, një kompani që prodhon produkte kozmetike edhe për markat e tjera. Ata kanë 500 punonjës që punojnë në markën e Jenner.

Ndërsa financat e Kylie i menaxhon dhe kontrollon nëna e saj Kris Jenner, e cila merr 10% te fitimeve nga fëmijët e saj.

Vetëm vitin e kaluar, kompania fitoi 360 milionë dollarë nga shitjet./Burimi:Daily Mail

VIDEO bonus:
Loading...