Ballina Reportazhe Zbuloni qytetin që nuk ka asnjë lypës dhe të pastrehë (FOTO)

Zbuloni qytetin që nuk ka asnjë lypës dhe të pastrehë (FOTO)

“Duke ecur përmes Helsinkit në një mbrëmje të ftotë, nuk të duhet shumë kohë të kuptosh dhe të vësh re diçka të pazakontë. Nuk ka njerëz të pastrehë apo lypësa që qëndrojnë në rrugë”. Kështu nis një artikull i publikuar nga BBC, që e perball gjendjen e kryeqytetit finlandez me Anglinë, ku numri i personave të pastrehë prej vitit 2010 është rritur ndjeshëm.

“Në fëmijërinë time, kujtoj që kishte me qindra njerëz që flinin nëpër parqe dhe pyje”, thotë Zv.Kryebashkiakia e Helsinkit Sanna Vesikansa.

“Kjo ishte e dukshme dikur, por sot ne nuk kemi më njerëz të tillë. Njerëzit e pastrehë nuk ekzistojnë në Helsinki”, vijon ajo. Përgjatë 30 viteve të fundit trajtimi i të pastrehëve ka qenë një fokus të të gjitha qeverive në Finlandë.

Në vitin 1987 në vend kishte më shumë se 18 mijë të pastrehë, ndërkohë që në vitin 2017 ata llogariteshin në 6,600 persona

Që nga viti 2007, qeveria e tyre ndërtoi politika që kishin si prioritet strehimin, duke u dhënë personave të pastrehë një shtëpi të përhershme, shoqëruar me asistencë punësimi apo edukimi. Një nga personat që ka fituar banesë është Thomas Salmi, I cili mbetu në rrugë kur ishte vetëm 18 vjeç dhe ju desh të largohej nga jetimorja. Kaloi tri vite në rrugët e Helsinkit ku temperatura mesatare e dimrit arrinte në -7C.

“Kur humbet gjithçka pastaj nuk ka më rëndësi. Mendon vetëm vertëvrasjen. Është ftohtë, sidomos në dimër. Nëse fle jashtë mund të vdesësh”, tregon ai. Dy vitet e fundit, ai arriti të marr apartamentine tij në një kompleks të madh, mbikëqyrur nga një organizatë që kujdeset për akomodimin e personave të pastrehë./ M.B

Loading...