Presidenti i Kosovës, Hashim Thaçi ka treguar mbrëmjen e sotme se ka zhvilluar disa takime me homologun serb Aleksandër Vuçiç, por pa praninë e kamerave.
I ftuar në emisionin ‘Përballë’ me gazetarin Lutfi Dervishi, Thaçi është shprehur se ka diskutuar disa herë me homologun serb, por që këto nuk i kanë shprehur në konferencat publike.
‘Jam takuar jashtë kamerave në Bruksel, Vatikan nëpër ceremoni të ndryshme, gjithashtu edhe në Paris, edhe Vjenë e Nju Jork. Kemi diskutuar hapur për zhvillimet në Ballkanin Perëndimor, jo diçka nga ajo që kam theksuar në konferenca për shtyp. Faza e fundit e dialogut ka kuptim për Kosovën vetëm nëse ndodh njohja dhe anëtarësimi i Kosovës në OKB’, u shpreh Hashim Thaçi.
