Ballina Bota Vladimir Putin viziton sot Beogradin, do të bisedohet edhe për Kosovën

Vladimir Putin viziton sot Beogradin, do të bisedohet edhe për Kosovën

Presidenti rus, Vladimir Putin, pritet ta vizitojë sot Beogradin për t’u takuar me homologun e tij serb, Aleksandar Vuçiq.

Ndër temat e shumta që do të diskutohen midis dy krerëve, pritet të jetë edhe çështja e Kosovës, transmeton Klan Kosova.

Rreth 70.000 vetë pritet t’i urojnë mirëseardhjen Putinit në kryeqytetin e Serbisë, më pas ai do të ndalojë edhe në katedralen e Shën Savës.

Një mikpritje e tillë organizohet, sipas Tanjug, nga sektori joqeveritar dhe organizata patriotike, megjithatë mbështetjen e saj do ta japë dhe partia në pushtet, SNS.

Plani është që pjesëmarrësit të mblidhen në Sheshin e Republikës e pastaj të marshojnë deri te katedralja, në mënyrë që të mbërrijnë atje në të njëjtën kohë me liderin rus.

Kjo është mënyra e tyre për të treguar respekt ndaj numrit një të Rusisë dhe mirënjohje për mbështetjen që vendi më i madh sllav i jep integritetit territorial të Serbisë, në arenën ndërkombëtare, shkruajnë media serbe.

Kujtojmë se në një intervistë për mediat serbe, Presidenti rus ka thënë se Shtetet e Bashkuara janë faktorë që e destabilizojnë Ballkanin.

Ndërsa Kryeministri Haradinaj i është kundërpërgjigjur atij duke thënë se sa më shumë përfshirje të SHBA-së në Ballkan nënkupton paqe, stabilitet dhe zhvillim, ndërsa një prezencë ruse nënkupton të kundërtën.

Për t’u informuar më shumë rreth kundërpërgjigjes të Kryeministrit Haradinaj, klikoni në linkun e mëposhtëm.