Një serb ka humbur kontrollin e makinës dhe ka përfundur jashtë rrugës regjionale Gostivar-Mvrovë, informojnë nga MPB.
Fatkeqësia ndodhi rreth orës 1.20 në Urën e Novosellës, kur automobili i tipit “Nisan”, me targa të Serbisë, i drejtuar nga personi me inicialet F.I. (32) nga Serbia, ka dalë nga rruga.
Serbi i plagosur rëndë, me makinë të Ndihmës së shpejtë u transportua në Qendrën Mjekësore të Gostivarit. Për shkak të plagëve serioze ai u transferua në kompleksin e klinikave “nënë Tereza” në Shkup.
Grupi hetimor ka këqyrur vendin e fatkeqësisë dhe po punohet për zbardhjen e plotë të rastit./TetovaNews
