Me 1 janar, të vitit 2019-të ishte edhe puntata e fundit e spektaklit “Shiko Kush Luan”. Kush tjetër përveç Threedot-save do të krijonin një atmosferë aq festive për ditën e parë të vitit të ri. Ata arritën të ndiznin spektaklin me lojra dhe me këngë të ndryshme të kënduar Live nga Flori Mumajesi, Bruno, Klajdi, Kejsi Tola dhe Krusita.
Një prej sfidave ishte edhe loja me paintball në të cilën u përball Bruno. Ai i pyetur se cila do të ishte këngëtarja që do të donte një bashkëpunim nga personat që paraqiteshin në tabelë ka zgjedhur këngëtaren Shkurte Gashi e cila ka bashkëpunuar dy herë me një nga pjestarët e grupit, e më saktësisht me Flori Mumajesin.
Duket se Shkurte Gashi e ka gati përgjigjen dhe me një Instastory ku shfaqet Bruno duke shënjestruar pikërisht atë, këngëtarja shkruan:
“Me shumë kënaqësi edhe unë”- duke bërë tag edhe këngëtarin.
Pra mesa duket së shpejti mund te këmi një këngë duet nga Bruno dhe Shkurte Gashi, e ne mezi po e presim.
Pas kërkesës së Brunos për një bashkëpunim, përgjigjet Shkurte Gashi pic.twitter.com/4t7l6DofUr
— Tetova News (@tetovanews) January 7, 2019
