Ballina Kuriozitete “Çmendet” shqiponja, ulet mbi turmë (Video)

“Çmendet” shqiponja, ulet mbi turmë (Video)

Gjëja e fundit që prisnin këta fansa ishte që një shqiponjë t’u ulej në krah, e madje jo një herë, por dy. Dy tifozë të futbollit amerikan u surprizuan pafund të shtunën, kur shqiponja me kokë të bardhë, që gjendet në Amerikën e Veriut u “çmend” në një lojë futbolli në Teksas dhe vendosi t’i afrohej turmës.

Zogu gjigant, i cili sipas BBC quhet Clark, ishte planifikuar që do të fluturonte rreth e rrotull stadiumit gjatë këndimit të himnit kombëtar, përpara se një turmë prej 90 mijë tifozësh të shihnin ndeshjen mes Notre Dame dhe Clemson.

Por në vend që të ulej pranë kujdestarit, shqiponja vendosi që të shkonte tek një prej tifozëve. 42-vjeçari Albert Armas pranoi më vonë se ishte frikësuar kur kishte Clark që iu ul mbi shpatull.

Në imazhet e kapura në stadiumin AT&T në Arlington mund të shihen tifozët duke brohoritur dhe duke u përpjekur që të kapnin me telefonët e tyre këtë ngjarje të pazakontë.

Megjithatë Clark nuk u kënaq duke vizituar vetëm një tifoz, duke u ulur edhe në krahun e një tjetri, Tuyen Nguyen.

Duke folur për Sports Illustrated, ai tha: “Kur e pashë që u ul në krahun e Armas, mendova se do jetë shumë i lodhur. Kështu që nxora krahun për të parë çfarë mund të ndodhte. Dhe erdhi u ul tek unë. Ishte e mrekullueshme, nuk mund ta besoja”.

Askush nuk u lëndua nga sjellja e pa planifikuar e shqiponjës. Pas aventurës së shkurtër, Clark u kap nga kujdestarët e tij./tvklan.al

Loading...