Ish-drejtori i DSK-së Sasho Mijallkov sot u arrestua me kërkesë të Prokurorisë Speciale Publike për shkak të rrezikut për arratisjen e tij, përcjell Telegrafi Maqedoni.
Gjyqtari në procedurën paraprake nga Gjykata Themelore Shkup 1, sot pasdite, i ka caktuar masën e paraburgimit për 30 ditë.
Mijallkov akuzohet për rastet e PSP-së “Shënjestra-Fortesa”, “Thesari”, “Tortura” dhe “Titanik 2”.
Arrestimi i Sasho Mijallkovit u bë disa orë pasi që Nikolla Gruevski publikoi në rrjetin social Facebook se iu është pranuar kërkesa për azil në Hungari.
Më herët për shkak të rrezikut nga arratisja u arrestuan Mile Janakieski dhe Kiril Bozhinovski./Telegrafi/
