Presidenti i Shteteve të Bashkuara të Amerikës, Donald Trump, ka kaluar një situatë aspak të këndshme, pasi një letër higjienike i kishte ngelur në këmbën e majtë.
Kamerat e mediave të huaja e kapën këtë moment teksa Trump po ngjiste shkallët e avionit në aeroportin e “Minneapolis-Saint Paul”.
Kur presidenti amerikan u ngjit në krye të shkallëve, u kthye dhe i dha një përshëndetje me dorë turmës. Ndërkohë letra higjienike u shkëput nga këmba e tij, në momentin kur ai hyri në kabinë.
“Më pëlqeu se si letra higjienike u shkëput nga këpuca e Trump në fund të shkallëve, dukej sikur edhe ajo donte vëmendjen maksimale të kamerave”, komentonte dikush rreth kësaj video.
“Nuk e di me çfarë të qesh më shumë me letrën që i mbeti në këmbë, apo me faktin që askush nuk i tha presidentit se çfarë i kishte mbetur në këpucë”, shkruante një përdorues i “Twitter”-it.
“Djali nuk ka asnjë shok… Askush nuk u shqetësua t’i tregonte çfarë po ndodhte”, komenton një tjetër.
