Donald Trump ka caktuar ambasadoren e re në Shqipëri, e cila do të zëvendësojë Donald Lu-në, të cilit i mbaroi mandati.
Ajo është Kathleen Ann Kavalec.
Emërimi është zyrtarizuar nga Departamenti i Shtetit.
“Kathleen Ann Kavalec nga Kalifornia, do të jetë ambasadore e Jashtëzakonshme dhe Fuqiplotë e Shteteve të Bashkuara të Amerikës në Republikën e Shqipërisë.
Znj. Kavalec aktualisht shërben si zëvendës ndihmës sekretare në Byronë e Çështjeve Europiane dhe Euroaziatike në Departamentin e Shtetit, me mbi tre dekada përvojë si diplomate amerikane.
Më parë ka shërbyer si drejtoreshë e Zyrës së Punëve Ruse, zëvendës shefe e Misionit të Misionit të SHBA-ve në UNESCO në Paris, Francë, zëvendës koordinatore për Ndihmë në Byronë Europiane dhe drejtore për Parandalimin e Konflikteve në Zyrën e Koordinatorit për Rindërtimi dhe Stabilizimi.
Znj. Kavalec mban një “A.B” në Shkencat Politike nga Universiteti i Kalifornisë në Berkeley dhe një “M.S.F.S” në Shërbimin e Jashtëm nga Universiteti Georgetown.
Ajo flet rrjedhshëm gjuhën frënge, rumune, ukrainase, ruse, spanjolle dhe portugeze”, thuhet në njoftim.
(TemA)
