Spanja është eliminuar nga Rusia menjëherë pas daljes nga grupet e Botërorit, duke konfirmuar faktin se ky turne është jashtë të gjitha parashikimeve.
Pas largimit të Gjermanisë, Portugalisë, Argjentinës është momenti i Spanjës që të largohet përpara kohe nga Rusia, edhe pse ishte një ndër favoritët kryesore për të triumfuar. Kjo ngjarje e ditës së sotme është pritur në mënyrë aspak të mirë edhe nga ambienti sportiv spanjoll, që kanë mallkuar penalltitë për këtë eliminim.“Marca” e ka hapur me titullin “Penallti të mallkuara” shkrimin për të pasqyruar atë që ndodhi në takimin e sotëm, ndërsa edhe “Mundodeportivo” njofton sportdashësit se furia e kuqe duhet të rikthehet në shtëpi falë humbjes së pësuar nga pika e bardhë.
