Ballina Bota PEMA VRET DY GAZETARË TEKSA RAPORTONIN PËR MOTIN

PEMA VRET DY GAZETARË TEKSA RAPORTONIN PËR MOTIN

Një stacion televiziv nga Karolina e Jugut bëri të ditur se dy gazetarë të saj kanë humbur jetën kur mbi automjetin e tyre ra një pemë, teksa raportonin mbi kushtet e këqija të motit që lidhen me mbetjet e sistemit të stuhive Alberto, transmeton Anadolu Agency (AA).

WYFF-TV nga Greenville, Karolina e Jugut, raportoi se gazetari Mike McCormick dhe fotografi Aaron Smeltzer humbën jetën të hënën në Karolinën e Veriut.

Autoritetet theksuan se gazetarët udhëtonin në autostradën afër Tryona, kur mbi automjetin e tyre ra një pemë, e cila menjëherë shkaktoi vdekjen e tyre.

Zyrtarët lokalë refuzuan që fatkeqësinë ta lidhin me sistemin subtropikal Alberto. Autoritetet thanë se pema u rrëzua për shkak të tokës shumë të zhytur nga shirat e paradokohshëm.

@tn.lajmelokale
@tetovanews