Ballina Jetë & Stil Era Istrefi flet për Botërorin 2018: Mezi pres të filloj Kampionati, jam...

Era Istrefi flet për Botërorin 2018: Mezi pres të filloj Kampionati, jam adhuruese e futbollit

Këngëtarja kosovare, Era Istrefi do të jetë zëri i këngës së Botërorit 2018 bashkë me dy këngëtarët më të suksesshëm të botës, Will Smith dhe Nicky Jam.

Meqenëse kënga do të lançohet nesër (25 Maj) të tre këngëtarët janë shprehur të emocionuar dhe të lumtur që janë përzgjedhur të jenë pjesë e një organizimi kaq madhështor në botën e futbollit, Rusia 2018.

Për këngën ‘Live It Up’ dhe bashkëpunimin që kanë pasur me njëri-tjetrin këto ditë, të tre këngëtarët janë shprehur të lumtur në prononcimet që dhanë për faqen zyrtare të FIFA 2018.

“Të jesh pjesë e këngës zyrtare të Kupës së Botës, FIFA 2018 ka qenë njëra ndër përvojat më të pabesueshme dhe emocionale që kam pasur deri tani. Ishte e mahnitshme të punosh me Diplo, Will Smith dhe Nicky Jam, për të cilët unë kam admirim të madh. Jam adhuruese e futbollit dhe mezi pres që të filloj Kampinati Botëror”, është shprehur këngëtarja shqiptare.

Po ashtu edhe bashkëpunëtorët e saj, Diplo Nicky Jam dhe Will Smith kanë thënë se për ta kjo është një arritje jetësore.

Ndërkaq ky i fundit e ka përmendur edhe këngëtaren kosovare.

”Është nder kur të kërkohet të performosh për Kupën e Botës në FIFA 2018. Kjo ngjarje globale sjell njerëz nga e gjithë bota për t’u gëzuar, qeshur, festuar dhe provuar magjinë. Bashkëpunimi me Nicky, Diplo dhe Erën në këtë rrugë përfaqëson harmoni. Në fund të ditës thjesht duam ta shohim botën duke vallëzuar”, ka thënë ndër të tjera Smith, njëri ndër pop-reperët më të suksesshëm të viteve të 80-90-ta.

Kampinati botëror nis më 14 Qershor dhe ndeshja e parë zhvillohet mes Rusisë dhe Arabisë Saudite.

VIDEO bonus:
Loading...