Ballina Suplement Ekonomi “ENERGJI DIELLORE PËR RRITJE EKONOMIKE”, HAPET FABRIKA PËR PANELE DIELLORE DHE TERMALE...

“ENERGJI DIELLORE PËR RRITJE EKONOMIKE”, HAPET FABRIKA PËR PANELE DIELLORE DHE TERMALE (VIDEO)

Në Shkup nisi punën fabrika për prodhimin e paneleve fotovoltaike diellore dhe termale. Procesi i automatizuar, në vit do të prodhojë panele fotovoltaike prej 20 megavatë. Nëse tregu ka nevojë për më shumë prodhim, brenda tre muajsh, kapaciteti prodhues mund të dyfishohet, tha drejtori i “Piksell Group”, Goran Paunov.

“Si investim i Braufild deri në fund të vitit janë planifikuar të investohen rreth 5 milionë euro ndërsa për momentin në “Piksell grup” janë të punësuar 20 persona, por nëse arrijmë në punë me dy ose tre turne, mund ta rrisim numrin e të punësuarve të rinj”, tha Goran Paunov, drejtor i “Piksell Group”.

Në vitin e parë të punës, janë planifikuar të prodhohen 4 lloje të paneleve fotovoltaikë, informoi Paunov, duke shtuar se përveç cilësisë, kjo do të sjellë edhe konkurrencë në çmim në tregun vendor dhe atë të huaj. Kryeministri Zaev, i shoqëruar nga zyrtarë të kabinetit të tij, tha se energjia diellore duhet përdoret si gjenerator i rritjes ekonomike.

“Angazhimi ynë në politikat energjetike është që ta rrisim prodhimin vendor të energjisë elektrike dhe t’i shfrytëzojmë të gjitha kapacitetet dhe potencialet natyrore që i kemi. Ligji i ri për energjetikë tashmë është votuar në Kuvend dhe po fillojmë procesin që e afron Maqedoninë me standardet evropiane”, tha Zaev.

Zaev gjithashtu tha se investime të këtilla të teknologjisë së lartë janë prezantim i Maqedonisë në hartën e biznesit në botë, sipas tij, arritjet e qëllimeve të biznesit janë edhe rritje e bruto prodhimit vendor.

Një nga synimet e qeverisë është pikërisht rritja ekonomike, ndërsa lobime të shumta janë bërë për nxitjen e investimeve të reja, si vendore po ashtu edhe të huaja. Optimizmi i zëvendëskryeministrit i angazhuar për çështje ekonomike Koço Angjushev, është që Maqedonia në 2018-tën të arrijë 3.2% të bruto prodhimit vendor. Në të njëjtat ujëra qëndrojnë edhe shifrat e një hulumtimi të bërë nga “Erste Group” nga Austria, i publikuar në portalin ekonomik “See-News”. Sipas këtij hulumtimi, në vitin 2018, BPV pritet të në 3%.

Përgatiti: Besir Arifi

VIDEO bonus:
Loading...