Ballina Lajme Kryetari i Preshevës reagon për avionët luftarak serbë: Veprimet e tilla shtojnë...

Kryetari i Preshevës reagon për avionët luftarak serbë: Veprimet e tilla shtojnë pasiguri

Kryetari i komunës së Preshevës, Shqiprim Arifi, ka reaguar pasi avionë ushtarak serb janë parë ndërsa fluturonin në distancë të ulët në territorin në afërsi të kufirit me Kosovën.

Arifi thekson se veprimet e tilla shtojnë pasigurinë dhe ankth tek shqiptarët në Luginën e Preshevës, njofton Klan Kosova.

”Sot rreth orës 14.00 qytetarët e Komunës së Preshevës janë shqetësuar nga fluturimi në distancë të ulët të avionëve ushtarak të Republikës së Serbisë.

Me indinjatë të thellë konstatojmë se veprimet e tilla shtojnë pasigurinë dhe ankthin tek shqiptarët e Luginës së Preshevës. Ftoj institucionet përkatëse qëndrore të mos keqpërdorin hapsirat e Komunës sonë për demonstrimin e forcave si reagim i ngjarjeve politike të shënuara ditë më parë.

Gjithashtu siguroj qytetarët e Komunës së Preshevës se kemi mbështetjen dhe besimin e plotë të miqve tanë ndërkombëtarë dhe ftoj që ti përmbahemi provokimeve eventuale dhe aktiviteteve spontane.

Loading...