Ballina Bota Kërcënimi ruso-kinez. SHBA, buxhet kolosal për ushtrinë (VIDEO)

Kërcënimi ruso-kinez. SHBA, buxhet kolosal për ushtrinë (VIDEO)

SHPËRNDAJE

Pentagoni kërkon një rritje të ndjeshme të shpenzimeve ushtarake në vitin 2019, duke cituar për këtë pretendim të tijin rreziqet nga Kina, Rusia dhe Koreja e Veriut.

Krerët ushtarakë amerikanë këmbëngulin se vendit i nevojitet një arsenal i përforcuar, e për këtë pretendohet nga Kongresi aprovimi i një buxheti në nivelin e 686 miliardë dollarëve, një prej më të mëdhenjve në historinë e Shteteve të Bashkuara.

Projektbuxheti i Administratës “Trump” parashikon në të njëjtën kohë shkurtime të ndjeshme për diplomacinë ndërkombëtare dhe ndihmat përtej kufijve.

Vet Trump deklaroi të hënën se ushtria e Shteteve të Bashkuara do të jetë më e fuqishme nga sa ka qenë ndonjëherë, e kjo përfshin – sipas tij, – rritjen praktikisht të arsenalit të çdo arme.

“Gara e madhe e fuqisë, dhe jo terrorizmi, ka dalë sot në pah si sfida kryesore ndaj sigurisë dhe prosperitetit të Amerikës”, deklaroi nënsekretari i Mbrojtjes, David L. Norquist.

“Është gjithmonë e më e qartë, – shtoi ai, – se Kina dhe Rusia dëshirojnë të formojnë një botë, e cila të përputhet me modelin e tyre autoritar të fitores së vetos mbi vendimet ekonomike, diplomatike dhe të sigurisë së vendeve të tjera”, thuhet në dokumentin e buxhetit, ku theksohet se Pekini është duke përdorur politika ekonomike grabitqare për të frikësuar fqinjët, ndërsa po militarizon tiparet e detit të Kinës Jugore.

Top Channel