Ballina Bota Putin e akuzon Uashingtonin për mbështetje të Navalnyt

Putin e akuzon Uashingtonin për mbështetje të Navalnyt

SHPËRNDAJE

Presidenti i Rusisë, Vladimir Putin, ka pretenduar se luftëtari kundër korrupsionit në Rusi, Aleksei Navalny, është mbështetur nga Shtetet e Bashkuara për synimin e tij për pjesëmarrje në zgjedhjet presidenciale.

Këto komente, për të cilat ai nuk ka paraqitur ndonjë provë, Putin i ka bërë dje, gjatë një takimi me editorët dhe shefat ekzekutivë të disa kompanive mediale ruse.

Aleksei Navalnyt nuk i lejohet të marrë pjesë në zgjedhjet presidenciale ruse më 18 mars, për shkak të një dënimi me burg me kusht.

Ai dhe mbështetësit e tij thonë se vendimi ishte i motivuar politikisht.

Shtetet e Bashkuara dhe Bashkimi Evropian e kanë dënuar vendimin që Navalnyt të mos i lejohet kandidimi në zgjedhjet për president.