Ballina Lajme KANDIDATËT NGA TETOVA NËNSHKRUAJNË DEKLARATË PËR RUAJTJEN E AMBIENTIT (VIDEO)

KANDIDATËT NGA TETOVA NËNSHKRUAJNË DEKLARATË PËR RUAJTJEN E AMBIENTIT (VIDEO)

Organizata ambientaliste “Eco Guerilla” ka ftuar kandidatët për kryetarë të Komunës së Tetovës që të nënshkruajnë një deklaratë me pesë pika që kanë të bëjnë kryesisht me zotimet e tyre për transparencë, ruajtjen e ambientit jetësor në Tetovë, sigurimin e hapësirave të gjelbëra dhe të ngjashme.

Dy kandidatët të cilët ishin prezent në ceremoninë e nënshkrimit të deklaratës, Teuta Arifi nga BDI dhe Adnan Neziri nga Aleanca për Shqiptarët thanë se këto pika ndodhen edhe në programet e tyre dhe u zotuan se do të mundohen t’i përmbushin.

Kandidatët e tjerë nuk arritën në kohë të marrin pjesë në aktin e nënshkrimit edhe pse siç thanë nga Eco Guerilla të gjitha kën premtuar se do t’a nënshkruajnë. Kandidati i PDSH-së, Bardhyl Dauti, deklaratën e ka nënshkruar më vonë në zyrat e Lëvizjes “Eco Guerilla”, ndërsa për kandidatët e tjerë thanë që mbetet e hapur deklarata për ta nënshkruar gjatë periudhës në vazhdim./SHENJA/

Loading...