Ballina Kronika Trafikimi i fëmijëve nga Shqipëria, Britania e Madhe vihet në lëvizje, sjell...

Trafikimi i fëmijëve nga Shqipëria, Britania e Madhe vihet në lëvizje, sjell agjentët e vet

SHPËRNDAJE

Skllavëria moderne ose trafiku i fëmijëve nga Shqipëria drejt vendeve të Europës Perëndimore e kryesisht drejt Britanisë së Madhe, pritet që të sjellë në vendin tonë agjentë sekretë britanikë. Kryeministrja e Anglisë, Theresa May bëri të ditur se i ka dhënë direktiva të reja Agjencive Sekrete Britanikë për të shkatërruar rrjetet kriminale të trafikimit të fëmijëve.

Sipas një raporti të vitit 2016 nga Fondacioni i Lirisë Globale, janë 45.8 milionë viktima të skllavërisë në nivel global. Ministria e Brendshme e Britanisë vlerësoi se 10 mijë – 13 mijë persona janë shfrytëzuar në Angli në vitin 2013.

Viktimat e trafikuara në Britani janë kryesisht nga Shqipëria, Vietnami dhe Nigeria. Për këtë arsye, agjencitë sekrete si MI5, MI6 dhe GCHQ do të aktivizohen të shkatërrojnë edhe këto banda kriminale që veprojë në Angli por dhe shtete të tjera, mes të cilave është edhe Shqipëria.