Ballina Suplement Dossier Gjirafat “diplomate” të Mehmet Ali Pashës

Gjirafat “diplomate” të Mehmet Ali Pashës

Nga Ervin Fetahu

Historia e gjirafave të Mehmet Aliut është tepër mbresëlënëse, kur mendon se si ato u përdorën në formë “dhuratash diplomatike”, ndoshta një traditë mijëra vjeçare. Udhëtimi nis në tetor të vitit 1826-të, ishte koha kur pushteti i Pashait të Egjiptit sa vinte dhe konsolidohej, ndaj edhe Mehmet Aliu vendosi të dërgonte tre gjirafa nëpër mbretëritë e Europës, pikërisht në kryeqytetet e asaj kohe për të siguruar mbështetje për mbretërinë e tij të Nilit.

Me sugjerimet e Bernadino Dovrettit, këshilltarit francez pranë tij, ai mendoi të niste këtë kafshë ekzotike në Francë si dhuratë tek mbreti Çarl, një tjetër do e niste në Vjenë tek perandori i Austrisë, dhe një në Londër. Kur gjirafa me destinacion Francën mbërriti në Marsejë si dhuratë për Çarlin i X-të, francezët u shtangën dhe dolën turma në rrugë gati 30-të mije vetë, si duket ishte hera e pare që shihnin nëpër rrugët e tyre një kafshë kaq të çuditshme dhe shumë të gjatë, kishin të drejtë, ishte një nga kafshët më të rëndësishme të kontinentit afrikan.

14433148_10154508604734420_5737497719429955298_n

 

Kafsha qafëgjatë kishte përshkuar mijëra milje lundrim në lum e në det, për të mbërritur pas 32 ditësh në Marsejë e më pas në Paris. Anija ishte pajisur me të gjitha konditat, madje i kishin qepur edhe një kapardinë me kapuç që mos ta zinte shiu,e ngarkuar me foragjere dhe ushqime, e shoqëruar nga një natyralist i njohur si Etienne Geoffroy, një bari, tre lopë dhe një deve, pse lopë dhe deve do të thoni ju…!? Sepse ajo ishte e mitur kërkonte qumësht lope apo deveje, për arsye se udhëtimi ishte tej mase i vështirë për të transportuar të tilla kafshë.

14370083_10154508598544420_5965906958768488057_n

 

Njerëzit filluan ta quanin “kafsha e bukur e mbretit” pasi ajo mbërrin në Paris aty u mblodhën trefishi i njerëzve që ishin mbledhur ne Marsejë, dhe u vendos në Jardin des Plantes. Kjo kafshë e bukur u bë nê një farë mënyre simbol i vendit, filluan të shkruajnë gazetat, shkrimtarë të ndryshëm si Balzaku e Gustave Flaubert e trajtuan në romanet e tyre, enët e qeramikave të ndryshme e bënë simbol të sfondeve të tyre, mobilje të ndryshme përdorën imazhin e saj si zbukurim, gati-gati edhe femrat filluan të vishnin fustane që përngjanin me lëkurën e gjirafës.

14355575_10154508604504420_3610524708622055968_n

 

Historia e gjirafave në Europë u rikthye pas tre shekujve, ku dinastia Mediçi në 1486-ën e kishte sjellë një gjirafë ne Firence sërish nga Egjipti, në kujtim të Jul Cezarit i cili e mori dhuratë nga Kleopatra. Ajo është përdorur në formë dhurate mijëra vjet më parë, ku u bëheshin si dhurata Faraonëve, ku sipas tyre këto kafshë bartnin simbolika mistike.

Gjirafa përbënte simbolin e një kulture dhe bote tjetër të ndryshme nga ajo europiane, ngelet mister përse Mehmet Aliu i madh zgjodhi këtë kafshë gjatoshe… Edhe pse populli i Francës e priti plot dëshirë e kureshtje!

Loading...